Kinonu dəyərləndirən Peşəkarlar

Müəllifi olduğu filmlər Klermon-Ferran, Tellurid, Çikaqo, Saloniki, Lids, Vintertur kimi nüfuzlu
kinofestivallarda iştirak edib, İzmir,
Cenevrə, Afina, Trentodakı film
festivallarında mükafatlara layiq
görülüb. Altımışdan çox bədii və
sənədli filmin redaktorudur. Onun
redaktoru olduğu filmlər Kann,
Berlin, IDFA, HotDocs, Rotterdam,
Tampere, Tokio festivallarında
nümayiş olunub. Əslən Ərdəbildən
olan rejissor Tehranda Behandiş
Kino Məktəbində təhsil alıb və
Müstəqil İran Kinematoqrafçıları
Assosiasiyanın təsisçilərindən
biridir.

“İskusstvo kino” jurnalının
daimi müəllifi və redaktoru, old.
kinoart.ru saytının baş redaktoru, “Kinema” elmi-resenziya
jurnalının baş redaktorunun müavinidir. “Moskovskaya pemyera”
Film Festivalının proqram direktorudur. “İskusstvo kino”, “Seans”,
“Kinema”, “Xudojestvennıy jurnal”,
kinote.info, cinematheque.ru və
s. nəşrlərində çap olunur. Moskva
və Sankt-Peterburq kino məktəblərində və universitetlərində
kino tarixi və nəzəriyyəsini tədris
edir. Çoxsaylı mühazirələr silsiləsinin müəllifidir. RF Kinoşünaslar
və Kino Tənqidçiləri Gildiyasının
Ekspert Şurasının, FIPRESCI-nin
üzvüdür.

Müəllifi olduğu filmlər bir sıra
nüfuzlu beynəlxalq kinofestivallarda mükafatlara layiq görülüb.
Onun 1997-ci ildə Madriddə
Beynəlxalq Film Festivalında ən
yaxş ı rejissor iş inə görə “Qızıl
Sevilya”, ən yaxş ı gənc aktrisa
nominasiyasında “Gümüş
Sevilya” mükafatlarına layiq
görülmüş “Özgə vaxt” filmi
Azərbaycan kinosunun ən nadir
nümunələrindəndir. Moskvada
Ümum-Rusiya Dövlət Kinematoqrafiya İnstitutunun “Kinooperatorluq” fakültəsini bitirdikdən
sonra “Azərbaycanfilm” kinostudiyasında təsvir rejissoru kimi
çalışıb. 1984-cü ildən rejissor
kimi fəaliyyət göstərən müəllifin
“Şəhərli biçinçilər”, “Süd dişinin
ağrısı”, “Məkanın melodiyası” kimi
filmləri milli kino tarxində müəllif
kinosunun inkişafına təkan verib,
kinomuzu dünya arenasında
tanıdıb.
“Beynəlxalq Audiovizual Festival”
və Azərbaycan Kino Akademiyasının “Qızıl Pəri” Peşə mükafatı
layihələrinin müəllifi və rəhbəri
olub. Azərbaycanın Əməkdar
incəsənət xadimi və Avropa Kino
Akademiyasının üzvü olan rejissor
hazırda təsisçisi olduğu Azərbaycan Professional Kinorejissorlar
Gildiyasının İdarə Heyətinin
sədridir.

Kinoda ilk addımlarını sənədli
filmlərlə atan rejissorun 2009-cu
ildə çəkdiyi “Uzak ihtimal” ilk bədii
filmi Rotterdam Film Festivalında “Ən yaxşı film”, İstanbul Film
Festivalı və Adana Qızıl Qoza Film
Festivallarında “Ən yaxşı rejissor”
mükafatlarına layiq görülüb.
Dünya premyerası San Sebastian Film Festivalında baş tutan
“Yozqat blues” filmi Adana Qızıl
Qoza və Malatya Film Festivallarının “Ən yaxşı film”, Sofiya Film
Festivalının isə “Ən yaxşı Balkan
filmi” mükafa tını alıb. Venesiya
kinofestivalında dünya premyerası edən “Anons” filmi də milli və
beynəlxalq festivallarda otuzdan
çox mükafat qazanıb. O, həmçinin
müasir incəsənət nümunəsi olan
“Crossroads” sənədli filminin,
rəqəmsal platforma üçün nəzərdə
tutulan “Derin Mor” serialının
müəllifidir. Hazırda 1930-cu illər
İstanbulundan bəhs edəcək
“Ölüləri yandırma cəmiyyəti” filminin ssenarisini tamamlayıb

“Usamə” debüt filmi ilə dünya
kino tarixinə adını yazdıran rejissor
bu ekran əsərinə görə “Qızıl
qlobus” alıb, Kann, Pusan, London
kinofestivallarında mükafatlara
layiq görülüb. “Tiryək müharibəsi” ikinci filmi isə Roma, Batumi,
Priştina, Kiş və digər beynəlxalq
film festivallarında “Ən yaxşı
film” adını qazanıb. Moskvada
ÜDKİ-da (VQİK) magistr dərəcəsi
alan sənətkar, rejissorluqla yanaşı
Əfqanıstanda ilk kino jurnalı
olan “Cinema”nın nəşrində də
mühüm rol oynayıb. O, həmçinin
Kabil Universitetində kinodan
dərs deyib. Bir neçə sənədli
filmə müəlliflik edən rejissor,
prodüser kimi də layihələrə imza
atıb. O, Kino Sənətləri və Elmləri
Akademiyasının, eyni zamanda
“Netpac”ın üzvüdür. Hazırda
Fransada yaşayan Siddiq Barmak
“Poçtalyon” filminin istehsalı
üzərində çalışır.

“FIL Production” şirkətinin təsisçisidir. İndiyə kimi 15-ə yaxın qısametrajlı film istehsal edib. 2014-cü ildə Locarno Beynəlxalq Film Festivalının nəzdindəki Yay Akademiyasına qəbul olunub. “Yara” qısametrajlı debüt işi Palm Springs Beynəlxalq Kino festivalında nümayiş olunub. “Şanxay, Bakı” qısametrajlı filminin premyerası Tampere Film Festivalında baş tutub. “Duz, istiot zövqə görə” qısa filmi Avropanın ən nüfuzlu kinoforumlarından olan Rotterdam Beynəlxalq Film Festivalının müsabiqə bölməsində iştirak edib. 2020-ci ildə isə “Axşama doğru” filmi Kann festivalının "Təndiqçilər həftəsi" (Semaine de la Critique) proqramına daxil edilib.

Türkiyədə çoxsaylı bədii
filmlərin rejissoru və prodüseri
kimi fəaliyyət göstərib. 1997-ci
ildə prodüser Zeynəb Atakan ilə
birlikdə “New Art Film” şirkətini
təsis edib və məşhur rejissor Nuri
Bilgə Ceylanın “İqlimlər”, “Üç
meymun” filmləri daxil olmaqla
bir sıra tammetrajlı ekran işlərinə
həmprodüserlik edib. Türkiyə
Turizm və Mədəniyyət nazirliyinin tanıtım kampaniyalarının
prodüseri və rejissoru olmaqla
yanaşı Anadolu Universitetinin
“Kino və tv” fakültəsində ustad
dərsləri verib. Azərbaycanda
kino sahəsindəki fəaliyyətinə
də prodüser kimi başlayıb.
“CO-production-Baku” şirkətini
təsis edərək yerli kino və reklam
sektorunda bir çox işlərə rejissor,
prodüser kimi imza atıb. Bunların arasında prodüseri olduğu
Qarabağ əhalisi və malakanlardan
söz açan sənədli filmlər, rejissoru
olduğu Qarabağ münaqişəsindən
bəhs edən “Qayıdış” sənədli filmi
xüsusilə seçilir.

Yaradıcılığı ilə milli teatr
mühitində fərqlənməklə yanaşı,
xarici teatrşünasların da diqqətini
cəlb edən rejissor həm yerli, həm
də də xarici ölkə teatrlarında bir
sıra tamaşalara quruluş verib.
“Anamın kitabı” tamaşasına görə
“4.4” Beynəlxalq Teatr Festivalında
mükafata layiq görülüb. Hazırda
Azərbaycan Dövlət Akademik
Musiqili Teatrında quruluşçu rejissor
kimi çalışan sənətkar ADMİU-nun
“Teatr rejissoru” fakültəsində təhsil
alıb, daha sonar isə Moskvada
A.P.Çexov adına Moskva Bədaye
Teatrının nəzdində teatr rejissorluğu
üzrə magistraturanı bitirib, Londonda “Royal Court” teatrında və
Sankt- Peterburqda Rusiya Dövlət
Akademik Dram Teatrında təcrübə
keçib. “YUĞ” teatrı, Azərbaycan
Dövlət Gəncə Dram Teat rında
çalışıb. “Kimdir müqəssir?”, “Mənim
günahım” , “999-cu gecə”, “Lara
Martinʼs Jazz Club” , “Qadınım”
kimi tamaşaların quruluşçu rejissorudur.

Sənət yolunun ilk dönəmində
çəkdiyi “Skripkaçı” sənədli filminin
Moskvada “Debüt Kinotavra”
festivalında “Dövrlə səsləşən ən
yaxşı film” nominasiyasında və
İranda keçirilən film festivalında
mükafatlandırılması ilə yerli kino
ictimaiy yətində tanınıb. Daha sonra
isə İsveçrənin “AVANTİ” layihəsinin
sənədli filmlər bölməsində qalib
gəlib. Azərbaycan Dövlət Mədəniyyət və İncəsənət Universitetinin
“Rejissorluq” fakültəsində təhsil
alıb. “Çıxış”, “Papaq”, “İşığın rəngi”,
“Tunis miniatürləri” “Bataqlıqda
bitən qamış”, “Cümhuriyyət əsgəri”,
“Vətən dili” və s. kimi sənədli,
“Saat” qısametrajlı bədii filmin rejissorudur. “Tərəqqi” medalı ilə təltif
olunub. Hazırda İctimai Televiziyada
çalışan rejissor onlarla sənədli,
bədii-sənədli və televiziya filmlərinə
ekran həyatı verib.

Azərbaycan sənədli kinosu
üçün yeni təcrübə olan “Miras”
sənədli filmi, müasir kino tariximizin ən böyük bədii-tarixi
layihəsi sayılan “Tağıyev” filminin
müəllifidir. Ekran işləri ilə yerli
kino mühitini çalxalandırmağı və
özünəməxsus dəsti-xətti ilə qısa
zamanda seçilməyi bacaran
kinorejissorun yaradıcılıq yolu
kinomontaj masasından başlayıb.
Daha sonra özünü rejissor kimi
sınayaraq müxtəlif prodakşnlarda
çalışıb. 2005-ci ildə “DİNOZAUR
Prodakşın” studiyasını təsis edib
və reklam, klip istehsalı ilə məşğul
olub. Bu illər ərzində bir çox uğurlu
layihələr reallaşdırıb. Hazırda Bakı
Media Mərkəzində çalışır.

Özbəkistanda kino üzrə ilk
elmlər namizədi, İstanbul Kino
Akademiyasının akademiki,
Daşkənd VQİK-nin təsisçisi,
Özbəkistan Kinematoqrafiya
Agentliyi Bədii Şurasının üzvüdür.
“Özbəkkino” Milli Agentliyinin icra
aparatının yaradıcısı, Özbəkistan
Dövlət İncəsənət və Mədəniyyət
İnstitutunun elmi dərəcələrin verilməsi şurasının üzvü, Özbəkistan
Respublikasının kinematoqrafiyası
üzrə çoxsaylı hüquqi sənədlərin
müəllifidir.

Çukurova Universiteti Dövlət
Konservatoriyasının “Teatr aktyorluğu” fakültəsini bitirib. O, aktyorluq karyerasına teatrla başlayıb.
İki il Adana Dövlət Teatrında, bir il
İstanbul Dövlət Teatrında çalışıb.
Çəkildiyi ilk televiziya layihəsi
2014-cü ildə TRT1-də yayımlanan “Yeddi gözəl kişi” serialı
olub. Bir çox film və seriallarda rol
alan Zümrə Ərtürkün sonuncu işi
2023-cü ildə TRT-nin rəqəmsal
platforması “Tabii”də yayımlanan
“Derin Mor” serialındakı rolu olub.

Hazırda Türkiyənin nüfuzlu TRT
telekanalının Kino şöbəsinin müdiri
olan Faruk Güvən, eyni zamanda EBU
Televiziya Komitəsinin, Avropa Film Akademiyasının üzvüdür. Los-Ancelesdə Nyu
York Film Akademiyasında Kino istehsalı
üzrə magistr dərəcəsi alıb. ABŞ-da səkkiz
qısa film çəkməklə yanaşı bir çox qısa
filmlərdə prodüser və rejissor köməkçisi
kimi çalışıb. TRT televiziyasında istehsal
edilən televiziya filmlərində, seriallarda
və ortaq istehsal filmlərində layihə, kino
meneceri olub, sözügedən departamentdə baş prodüser vəzifəsini icra edib. Üç
il “Emmi” Beynəlxalq Mükafatının “Televiziya filmləri/mini-seriallar” kateqoriyasında münsifi olub

Kino ictimaiyyətinin və nüfuzlu film
festivallarının diqqətini hələ 1999-cu ildə
çəkdiyi ilk tammetrajlı “Uşaq və əsgər”
bədii filmi ilə özünə cəlb edən rejissor
sonrakı ekran əsərləri ilə də çoxsaylı
mükafatlar qazanıb. Onun “Ay işığında”
ikinci tammetrajlı filmi Kann kinofestivalında “Tənqidçilər həftəsi”nin baş
mükafatını, Tokio Film Festivalında “Ən
yaxşı rejissor” və Münsiflər heyətinin xüsusi mükafatını alıb. Rejissor daha sonra
“Çox asan” və “Qızım” filmləri ilə Moskva
Beynəlxalq Film Festivalında “Ən yaxşı
film” nominasiyasında “Qızıl Georgi”
mükafatına layiq görülüb. “Arzular qəsri”
filmi isə Şanxay Film Festivalında “Ən
yaxşı film”, “Ən yaxşı rejissor” və “Ən yaxşı aktyor” nominasiyalarında qalib olub.
Onun üç filmi İrandan “Oskar”a təqdim
edilib. Rejissor həm də dörd il Fəcr
Beynəlxalq Kinofestivalının direktoru
kimi fəaliyyət göstərib.

Avropa Kino Akademiyasının və
Asiya Sakit Okean Ekran Akademiyasının üzvü olan ssenarist bir çox
tanınmış rejissorlarla çalışıb. Onun
rejissor Georgi Ovaşvili ilə həmssenarist olduğu “Qarğıdalı adası” filmi
“Oskar”ın qısa siyahısına düşüb, rejissor
Adilxan Yerjanovla ssenarisini birgə
işlədiyi “Dünyanın zərif laqeydliyi” filmi
isə Kann kinofestivalının “Un Certain
Regard” bölümündə yarışıb. Ssenarist
Azərbaycan kinematoqrafçıları ilə də
birgə layihələr üzərində işləyib. O, son
illər Azərbaycan istehsalı olan “Suğra və
oğulları”, “Mərmər soyuğu” filmlərinin
ssenari müəlliflərindən biridir. Rulof Yan,
həmçinin “Netflix”də çəkilən “Human
Playground” sənədli serialının ssena

Müharibə mövzusunda çəkdiyi
ümumbəşəri, əbədi dəyərlərə söykənən
“Sarı gəlin” filmi ilə tanınan rejissor
Moskvada Ümumittifaq Dövlət Kinematoqrafiya İnstitutunda təhsil alıb. Lentə
aldığı “İlahi məxluq” filmi “Ən yaxşı
orijinal ssenari”, “Xeyirlə şərin rəqsi”
filmi isə “Ən yaxşı rejissor işi” nominasiyasında Azərbaycan Professional
Kinorejissorlar Gildiyasının “Qızıl Pəri”
Peşə mükafatına layiq görülüb. Filmləri
Rotterdam, “Kinoşok”, Karlovı-Varı kimi
nüfuzlu kinofestivallarda nümayiş olunub
və mükafatlar qazanıb. Sənətçi, həmçinin
bir çox bədii və sənədli filmin ssenari

Vaxtilə Azərbaycanın dövri mətbuatına yeni nəfəs gətirən, yeni media
nümunəsinə çevrilən “Ayna”-“Zerkalo”
qəzetlərinin təsisçisi və baş redaktoru olmuş Elçin Şıxlı adını Azərbaycan
jurnalistikasının tarixinə yazıb. 2006-cı
ildən Azərbaycan Jurnalistlər Birliyinə
rəhbərlik edən yazar, həm də tərcüməçi
kimi fəaliyyət göstərir, ingilis, alman
dillərindən tərcümələr edir. Azərbaycan
jurnalistikasının inkişafında özünəməxsus yeri və nüfuzu olan jurnalist
araşdırma məqalələri, publisistikası ilə
gündəmdədir. Elçin Şıxlı müasir dövrdə
ictimai fikrə təsir edə bilən, yüksək intellekti, geniş dünyagörüşü ilə fərqlənən

Teatr, kino və televiziyada öz dəsti-xətti ilə fərqlənməyi bacaran rejissor
geniş tamaşaçı auditoriyasına əsasən,
repressiya illəri, Azərbaycan xanlıqları
dövrünə həsr olunmuş tarixi araşdırma
sənədli filmləri ilə tanınıb. “PersonA”
televiziya layihəsi isə onu daha da populyarlaşdırıb. Rejissor onlarla teatr və
televiziya tamaşalarının, sənədli filmlərin
müəllifidir. Böyük kinoya 1990-cı ildə
lentə aldığı “Güzgü” filmi ilə gələn rejissorun “Məhkumlar” tammetrajlı bədii filmi
isə cəmiyyətdəki sosial problemləri
qabartması və cəsarətli mövzusuyla
yerli kino camiəsində əks-səda doğurub.
Əməkdar incəsənət xadimi Mehriban
Ələkbərzadənin yaradıcılığında qadın

Müasir Azərbaycan kinosunun ən
məhsuldar təsvir rejissorlarından olan
Nadir Mehdiyev Moskvada Ümumittifaq
Dövlət Kinematoqrafiya İnstitutunda
təhsil alıb. Fəaliyyəti dövründə otuzdan
çox bədii, sənədli filmə təsvir həlli verən
sənətçi 2015-ci ildə “Dolu” filminə görə
“Ən yaxşı operator işi” nominasiyasında
Azərbaycan Professional Kinorejissorlar
Gildiyasının “Qızıl Pəri” peşə mükafatına
layiq görülüb. O, milli kino tarixində
ən çox büdcəli film olan “Yarımçıq
xatirələr”in, Rusiya istehsalı olan “Qraf
Krestovski” serialının təsvir rejissorudur.
Kino fəaliyyəti ilə yanaşı Azərbaycan

Baykonur Beynəlxalq Film Festivalının proqram direktoru, Qazaxıstan
Kinotənqidçilər Assosiasiyasının üzvü,
bir sıra beynəlxalq konfrans və kinofestivalların iştirakçısıdır. 2007-ci ildən
dövri mətbuatda Qazaxıstan kinosunun
problemlərinə dair 100-dən çox məqalə
və müsahibələri dərc olunub. Bir sıra
beynəlxalq film festivallarında münsiflər
heyətinin üzvü olub. T.Jurgenov adına
Qazaxıstan Milli Rəssamlıq Akademiyasının “Kino, televiziya və incəsənət”
fakültəsinin “Kino tarixi və nəzəriyyəsi”
kafedrasının müəllimidi

Müasir Azərbaycan nəsrinin tanınmış
simalarından olan yazıçı əsasən, kənd
mövzusunda yazdığı hekayələri ilə
məşhurlaşıb. Yeni nəsil yazarları arasında
özünəməxsus yeri olan yazıçı onlarla
hekayə, povest və romanın müəllifidir.
Yazıçının ona yaxın kitabı nəşr olunub.
“Arzulardan sonrakı şəhər” romanı
Fransanın nüfuzlu “Kapaz” nəşriyyatı
tərəfindən fransız dilində çap olunub.
Yazıçı bir sıra ədəbi mükafatlara layiq
görülüb. Gənc yaşlarından jurnalistlik
fəaliyyəti ilə məşğul olan Şərif Ağayar
“Kino+” qəzetinin baş redaktoru olub.
Yazıçı bir neçə tammetrajlı bədii və
sənədli filmin redaktorudur. Hazırda
yazıçının ssenarisi əsasında “Qaraba

Fərqli mövzularda kino mühazirələri, müxtəlif təşkilatlar və kinoteatrlarla birlikdə təşkil etdiyi layihələri ilə tanınan kinoşünas Kazan Teatr Məktəbində “Kino tarixi” fənnindən dərs deyir. “Kino vaxtıdır” Kino Layihələrinə Dəstək və Kino Tədbirlərinin Təşkili Direksiyasında kino proqramlarının kuratoru və kino tədbirlərinin daimi məruzəçisi, Kazanda “Kinomaks” kinoteatrlar şəbəkəsində təşkil olunan art-nümayişlərin daimi spikeri, “Millenium” radiosunda kino yenilikləri rubrikasının aparıcısıdır. Müxtəlif illərdə Beynəlxalq Gənclər Kinofestivalının proqram direktoru, Kazan Beynəlxalq Müsəlman Kinosu Festivalının seçim komissiyasının üzvü kimi çalışıb. Beynəlxalq festivallarda münsiflər heyətinin üzvü və ekspert kimi çıxış edən kinoşünas Tatarıstan Respublikasının Əməkdar mədəniyyət işçisi adına layiq görülüb.

Əsasən Boğaziçi Film Festivalının bədii rəhbəri kimi tanınan Əmrah Kılıç, eyni zamanda türk kinosunun xaricdə təbliği ilə məşğul olur və bu məqsədlə Berlin, Kann kinofestivallarında türk kino proqramları, film həftələri, stendlər təşkil edir. O, həmçinin “Rabarba” aylıq kino jurnalının təsisçisi və inzibati koordinatoru olub, məşhur yazıçı və ssenari nəzəriyyəçisi Robert Makkinin “Hekayə və dialoq” əsərlərini türk dilində nəşrə hazırlayıb. Həmprodüser kimi iştirak etdiyi ilk layihə “Oskar” mükafatçısı bosniyalı rejissor Danis Tanoviçin “A Ten in a Half “ filmi olub. Bu il isə o, Lokarno Film Festivalında mükafata layiq görülmüş azərbaycanlı rejissor Hilal Baydarovun “Balıqlara xütbə” filminə həmprodüserlik edib.

Azərbaycan sənədli kinosunda maraqlı tərzi və yanaşması ilə seçilən Əli İsa Cabbarov “Didor”, “Kiş” və s. festivalların mükafatçısıdır. “Yeddi oğul istərəm, bircə dənə qız gəlin”, “Molokanlar. Saf ruh”, “Mənim tanıdığım Vaqif”  və   digər sənədli filmlərin rejissoru olmaqla yanaşı, həm də “Düyün” bədii filminin rejissoru, bir çox filmin ssenari müəllifi,  “Ev”, “Yalançılar”, “Teatral həyat”, “Arxası qibləyə” kimi filmlərin prodüseridir. Onun rejissoru və prdodüseri olduğu filmlər bir çox beynəlxalq  kinofestivallarda mükafatlara layiq görülüb. “Fokus” kino jurnalının layihə rəhbərlərindən biri və redaktorudur. Cənubi Qafqaz Müstəqil Kinematoqrafçılar Assosiasiyasının həmtəsisçisi olan rejissor 2009-cu ildən Azərbaycan Kinematoqrafçılar İttifaqının katibidir.

Ölkənin mədəni, ictimai həyatında yaxından iştirak edən yazıçı-publisist BDU-nun şərqşünaslıq fakültəsində təhsil alıb. “Atama məktub” hekayəsilə geniş oxucu kütləsi qazanan yazıçı “Altıncı”, “Arzu”, “Qarabağ hekayələri”, “Seçilənlər” kitablarının müəllifi, Azərbaycan Yazıçılar Birliyinin üzvüdür. 2002-ci ildən jurnalist kimi fəaliyyət göstərməyə başlayan Günel Anarqızı bir sıra məqalələrə imza atmaqla yanaşı ölkənin mədəni və siyasi həyatında mühüm rol oynayan “Pəncərə” və “Ölkəm“ jurnallarının baş redaktoru olub. Hazırda Heydər Əliyev Fondunun təşəbbüsü ilə yaradılmış Bakı Kitab Mərkəzinin direktoru kimi fəaliyyət göstərir. 2018-ci ildə Azərbaycan-Polşa əlaqələrinin möhkəmlənməsindəki xidmətlərinə görə Polşa səfirliyinin medalına layiq görülüb.

Ssenarisi ilə Avropanın ən böyük film fondlarından biri olan “FOCAL” fondunun “AVANTI” proqramının qalibi, müasir kinomuzun ən məhsuldar rejissorlarından olan Mirsadıq Ağazadə bir sıra kino və televiziya filmlərinin müəllifidir. Rejissor elə ADMİU-nun Kino və teatr rejissorluğu fakültəsində təhsil aldığı dövrdən həm kino, həm də televiziya sahəsində çalışmağa başlayıb. “Hind yuxusu”, “Eviniz abad” bədii filmlərini lentə alan rejissor, “Altıaylıq”, “Aləmdə qalan səs”, “54 gün mühasirədə”, “Sizə məktub var” və digər onlarla sənədli filmin ssenari müəllifi və rejissorudur. Rejissor hazırda “Azərbaycanfilm” kinostudiyasının keçirdiyi ssenari müsabiqəsinin qalibi kimi “Supəri” filmi üzərində çalışır.

Son illər Azərbaycan ədəbi mühitində özünəxas məqalələrlə adını gündəmdə saxlayan Qismət həm də, kino tənqidi və tarixinə dair oçerklərin müəllifidir. 2010-cu ildən bu günə kimi şairin “Vitrin”, “Meqapolis hüznləri”, “Gələcəyin tarixi”,  “Qumru əlifbası” şeirlər və esselər kitabı çap edilib, 2014-cü ildən isə dünya ədəbiyyatından tərcümələri işıq üzü görməyə başlayıb. Eyni zamanda Azərbaycan Yaradıcılıq Fondunun aparat rəhbəri olan şair-tənqidçi 2011-ci ildə Gürcüstan Yazıçılar Birliyinin təsis etdiyi “Vaja Pşavela adına beynəlxalq poeziya

2000-ci illərdə Azərbaycan kino tənqidinin yeni dalğasının formalaşmasında birbaşa əməyi olan müəlliflərdən biri Aliya Dadaşovadır. Mədəniyyət və İncəsənət Universitetinin Teatrşünaslıq fakültəsini bitirdikdən sonra “Kino+”, “Mədəniyyət”, “Fokus”, “kulis.az” kimi ölkənin aparıcı kino və mədəniyyət dərgilərindəki məqalələri ilə tanınıb. O, Tiflis Beynəlxalq Teatr və Tiflis Beynəlxalq Səhnəqrafiya Festivalında iştirak edib. Haruki Murakaminin hekayələr kitabını, K.Rudnitskinin “Rejissor Meyerxold” kitabını ruscadan tərcümə edib. “Teatrın sual vermək gücü”, “Kinoda ev mövzusu”, “Qlamurun ölümü” və digər araşdırma məqalələrin, kino və teatr haqda resenziyaların müəllifidir.

Azərbaycan Dövlət Rəssamlıq Akademiyasının dekorativ-tətbiqi sənət fakültəsinin məzunu olan Rəşad Ələkbərovun yaradıcılıq dairəsinə boyakarlıq, heykəltəraşlıq, teatr dekorasiyaları, video-art, memarlıq dizaynı daxildir. Onun konseptual incəsənətdə özü üçün seçdiyi istiqamət – kölgələrlə instalyasiyadır. R.Ələkbərovun bu növ əsəri ilk dəfə 2000-ci ildə “Zamanın qanadları” sərgisində nümayiş etdirilib. Onun əsərləri Azərbaycan, Türkiyə, İtaliya və Rusiyada şəxsi kolleksiyalarda saxlanılır. Rəssamın Mədinə, London, Vyana, Moskva, Berlin, Paris, Venesiya, Bazel, Drezden, Listal şəhərlərində sərgiləri keçirilib. 2021-ci ildə “Əməkdar rəssam” fəxri adına layiq görülüb.

Dokuz Eylül Universitetində İqtisadiyyat fakültəsini bitirib. Praqada kino təhsili slıb. Dünya üzrə səyahət edərək, bir sıra sənədli filmlər lentə alıb. “Zərrə” ilk tammetrajlı filmi 23 mükafata, o cümlədən ən yaxşı film kimi 35-ci Moskva Beynəlxalq Kinofestivalında “Qızıl Müqəddəs Georgi”, “ən yaxşı rejissor” və “ən yaxşı film” nominasiyalarında 49-cu Antaliya Beynalxalq Kinofestivalında “Qızıl portağal” mükafatlarına layiq görülüb və 30 ölkədə nümayiş olunub. “Kölgələr içində” ikinci tammetrajlı fimini lentə alıb.  

Fəaliyyətinə Serbiya Milli Konqreslər və Konfranslar Mərkəzində konvensiya və festivallar meneceri kimi başlayıb. 1995-ci ildə hazırda proqram direktoru olduğu Palic Avropa Film Festivalında icraçı direktorun köməkçisi kimi işini davam etdirib. 2002-2006-cı illərdə Belqrad Beynəlxalq Kinofestivalının icraçı prodüseri olub. 2004-cü ildə o, ölkəsinin ən məhsuldar müstəqil kino şirkətlətindən biri olan “ART & POPCORN Motion Picture Company”-nini təsis edib.

M.Qorki adına Ədəbiyyatı İnstitutunu bitirəndən sonra “Azərbaycanfilm” kinostudiyasında çalışmağa başlayıb. AzərTelefilmin baş redaktoru, MİR Teleşirkətinin direktor müavini, “Mozalan” studiyasının direktoru olub. “Ümid”, “Yalan”, “Ərazi”, “Dönüş”, “Murtuza”, “Cümhuriyyətin 9 şəkli” və başqa bədii və sənədli filmlərin ssenari müəllifidir. Uzun illər respublika TV-lərində publisisitik verilişlərin müəllifi olub. Azərbaycan tamaşaçısına publisist, yazıçı kimi tanınınb. On dörd bədii, üç publisitik kitabın müəllifidir. Əsərləri İran, Türkiyə, Bolqarıstan, İsveç və bir çox dünya ölkələrində çap olunub. “Yeddi” adlı romanı Almaniyada mükafata layiq görülüb.

2013-cü ildə Fransada Clermont Ferrand Qısa Filmlər Festivalında “Ağ qan”, 2015-ci ildə isə bu mötəbər festivalda “İşıq gələn tərəf” filmləri ilə iştirak edən rejissor sonrakı illərdə də özünəməxsus filmlərilə milli kinematoqrafımızda öz dəsti-xətti olan müəlliflərdən birinə çevrilib. ADMİU-nun Rejissorluq fakültəsini bitirdikdən sonra bir çox TV kanallarda çalışıb. “Məryəm” sənədli bədii filmindən sonra “Anamın kitabı”, “Xosrov və Şirin” klassik əsərlərimizin motivləri əsasında eyniadlı çoxseriaylı TV filmlərini müasir formada çəkərək, televizya tamaşaçılarına təqdim edib. “Koramal” qısa filmi ilə dünyanın bir çox festivallarında iştirak edib. Filməri “ən yaxşı rejissor”, “ən yaxşı operator”, jürinin xüsusi mükafatlarını qazanıb.  “Məryəm” filmi “Humay” mükafatına layiq görülüb.

1990-cı ildən 2005-ci ilədək “Yuğ” Teatrında, sonralar isə İbrus və Milli Akademik Dram Teatrının səhnəsində özünəməxsus obrazlar yaradıb. “Şirəbənzər”, “İvan Buninin son döyüşü” tamaşalarında oynadığı rollarla teatrsevərlərin rəğbətini qazanıb. Azərbaycanın xalq artisti adına layiq görülən aktrisa, 2005-ci ildə “Şərq-Qərb” Kinofestivalında “Küçələrə su səpmişəm” filmində canlandırdığı obraza görə  “Ən yaxşı qadın” nominasiyası üzrə mükafat alıb. Müxtəlif illərdə istehsal olunan “Əlvida, cənub şəhəri”, “Düyün”, “Yalançılar”, “Axınla aşağı” və s. filmlərdəki obrazları geniş tamaşaçı auditoriyası tərəfindən maraqla qarşılanıb.

Şeir və esseləri bir çox dünya dillərinə çevrilən 48 yaşlı şair, tərcüməçi və esseist S.Babullaoğlu dünya ədəbiyyatından onlarla əsəri doğma dilimizə tərcümə etməklə bu sahədə görülən işlərə xüsusi bir rəng qatmışdır. 1990-cı illərin sonlarından başladığı missiyada B.Pasternak, Z.Herbert, Ç.Miloş, O.Vəli, F.H.Dağlarca və İ.Brodskinin şeir kitabları onun tərcüməsində işıq üzü görüb. 2002-ci ildə “İlin ən yaxşı tərcüməçisi” adına, Ankarada Füzuli Adına Beynəlxalq Poeziya Mükafatına və s. mükafatlara layiq görülüb. “Cərrah”, “Qamış şəhərinin yuxuları” sənədli filmlərinin ssenari müəllifi, “Durnalar qayıtdı” bədii filminin redaktorudur. “Dünya Ədəbiyyatı” dərgisində baş redaktor kimi çalışan S. Babullaoğlu mədəniyyət, o cümlədən kinematoqrafiya sahəsində də bir çox məqalə və esselərin müəllifidir. Rusiya, Fransa, İspan ədəbiyyatından tərcümə etdiyi esselər onu ölkəmizdə bir yazar-tərcüməçi kimi daha da tanıdıb. Azərbaycan Yazıçılar Birliyi İdarə Heyətinin və Beynəlxalq Ədəbiyyat Fondunun, Mərkəzi Asiya Pen Təşkilatının üzvüdür.

S.A. Gerasimov adına Ümumittifaq Dövlət Kinematoqrafiya İnstitutunun “Operatorluq” fakültəsini bitirib. Baş operator kimi iyirmidən çox sənədli film lentə alıb, bir sıra yerli və beynəlxalq festivallarda mükafatlara layiq görülüb. 2011-ci ildən etibarən prodüserlik fəaliyyətinə başlayıb. Nyu-Yorkda NYFA Kinoakademiyasında prodüserlik və distribusiya kursunu, Çexiyada isə “Emerging Producers” Gənc Avropa Prodüserləri proqramını keçib. “DOKer” sənədli müəllif kinosunun nümayişi layihəsinin təsisçilərindən biri, təşkilatçısı və kuratorudur.   

Leninqrad Rəssamlıq Akademiyasında, “Lenfilm”in nəzdindəki Kino Məktəbində  təhsil alıb. Amerikalı prodüser Oleq Harrincarın rəhbərlik etdiyi “Sənədli filmlərin istehsalı” kurslarınının dinləyicisi olub. ABŞ-ın “Promatheus Production” kinostudiyasında staj keçib. Rejissorun debut filmi olan “Vahimə” Fransada, o cümlədən ölkəmizdə “Humay”, “Qızıl çıraq” mükafatlarına layiq görülüb. 2004-ci ildə quruluş verdiyi “Arxada qalmış gələcək” bədii filmi isə müxtəlif festivallarda tamaşaçı rəğbətini qazanıb. Rejissor dağ yəhudiləri haqqında 3 sənədli filmin (“Quba yəhudiləri”, “Kənddə sonuncu yəhudi”, və “Peyğəmbər Yereminin göz yaşları”) müəllifidir. Bu filmlər dəfələrlə İsraildə, Avropada və ABŞ-da müxtəlif kinofestivallarda və tədbirlərdə nümayiş etdirilib, ölkəmizə nüfuzlu mükafatlar gətirib.

Gənc rejissor İranda “Urmiya Gənc Sinemaçılar Dərnəyi”nin nəzdindəki kinematoqrafiya kursunda, Azərbaycan Dövlət Mədəniyyət və İncəsənət Universitetinin “Kinorejissorluq” fakültəsində təhsil alıb. Diplom işi olan “Səs” qısametrajlı bədii filmi XIII Beynəlxalq Kazan Film Festivalının əsas, Bosniya-Hersoqovinanın XI Jahorina Beynəlxalq Film Festivalının qısametrajlı bədii filmlər bölməsində “Golden Mapple” (birinci mükafat), VIII Azərbaycan Ailə Film Festivalının əsas, Livanda keçirilən Baalbek Beynəlxalq Qısametrajlı Filmlər Festivalında Münsiflər heyətinin xüsusi mükafatlarına layiq görülüb.

“FIL Production” şirkətinin təsisçisidir. İndiyə kimi 15-ə yaxın qısametrajlı film istehsal edib. 2014-cü ildə Locarno Beynəlxalq Film Festivalının nəzdindəki Yay Akademiyasına qəbul olunub. “Yara” qısametrajlı debüt işi Palm Springs Beynəlxalq Kino festivalında nümayiş olunub. “Şanxay, Bakı” qısametrajlı filminin premyerası Tampere Film Festivalında baş tutub. “Duz, istiot zövqə görə” qısa filmi Avropanın ən nüfuzlu kinoforumlarından olan Rotterdam Beynəlxalq Film Festivalının müsabiqə bölməsində iştirak edib. 2020-ci ildə isə “Axşama doğru” filmi Kann festivalının "Təndiqçilər həftəsi" (Semaine de la Critique) proqramına daxil edilib.

FIPRESCI-in (Beynəlxalq Kinotənqidçilər Federasiyası) və NETPAC-ın (Asiya kinosunun inkişafı şəbəkəsi) üzvüdür. Müxtəlif
mətbu orqanları, forumlar və internet portallarında məqalələrlə çıxış etməklə yanaşı, rejissorluq, prodüserlik, menecerlik
kimi zəngin kino fəaliyyətinə malikdir. Əsasən, insan hüquqlarının müdafi əsi mövzusunda sənədli fi lmlər çəkməyə
üstünlük verir. Bir sıra beynəlxalq kinofestivallarda münsifl ər heyətinin üzvü olmuş kinotənqidçi Qırğızıstanın Mədəniyyət
və Turizm Nazirliyinin Kinematoqrafi ya departamentinin aparıcı mütəxəssisidir. Kino sahəsindəki səmərəli işinə görə
ölkəsində və xaricdə mükafatlara layiq görülüb.